ကျောင်းကားတွေကို ကြီးကြပ်ဖို့ အမျိုးသမီးတွေကို ခေါ်ယူ
Recent News


ရန်ကုန်တိုင်းထဲမှာပြေးဆွဲမယ့် ကျောင်းကားတွေအတွက် ယာဉ်မောင်းနဲ့ အမျိူးသမီးယာဉ်ကြီးကြပ်တွေကို ခေါ်ယူနေတယ်လို့ ရန်ကုန်တိုင်းဒေသကြီး သယ်ယူပို့ဆောင်ရေးကြီး ကြပ်ကွပ်ကဲမှု အာဏာပိုင်အဖွဲ့ကနေ သိရပါတယ်။

လာမယ့်ဇွန်လမှာ စတင်မယ့် ပညာသင်နှစ်မှာ အသုံးပြုမယ့် ကျောင်းကားစနစ်သစ်အတွက် ရည်ရွယ်ခေါ်ယူတာဖြစ်ပြီး ကြိုတင်စုဆောင်း ခေါ်ယူတာဖြစ်တယ်လို့ သိရပါတယ်။

ယာဉ်မောင်းနဲ့ အမျိူးသမီးယာဉ်ကြီးကြပ်တွေအဖြစ် လာရောက်လုပ်ကိုင်လိုသူတွေအနေနဲ့ အနိမ့်ဆုံးပညာအရည်အချင်း သတ္တမတန်း အောင်မြင်ဖို့လိုအပ်ပြီး ယာဉ်မောင်းက အသက်၃၀ နှစ်ကနေ ၅၅ နှစ်အတွင်းနဲ့ ယာဉ်ကြီးကြပ်တစ်ဦးက အသက် ၂၀ ကနေ ၃၀ နှစ်အတွင်းရှိဖို့ လိုအပ်တယ်လို့ ဆိုပါတယ်။

ဒါ့အပြင် ယာဉ်မောင်းလျောက်ထားသူတွေအနေနဲ့ ဃ လိုင်စင်ရှိဖို့ လိုအပ်ပြီး ဆက်ဆံရေးကောင်းမွန်ရမှာဖြစ်ကာ ရဲစခန်း ရပ်ကွက်ထောက်ခံစာ မှတ်ပုံတင်၊ အိမ်ထောင်စုဇယားမိတ္တူတို့နဲ့အတူ လာရောက်လျှောက်ထားနိုင်တယ်လို့ သိရပါတယ်။

ကျောင်းကားယာဉ်မောင်းနဲ့ အမျိုးသမီးယာဉ်ကြီးကြပ်လျှောက်လွှာတွေကို တာမွေမြို့နယ် မာန်အောင်ရပ်ကွက်၊ လေးထောင့်ကန်လမ်းက YRTA ရုံးချုပ်သို့ မေလ ၂၀ ရက်နောက်ဆုံးထား တင်ရမှာဖြစ်ပြီး ၀၉-၅၀၆၅၃၈၀ ၊ ၀၉-၂၅၃၅၃၅၂၂၉ သို့ အသေးစိတ် ဆက်သွယ် မေးမြန်းနိုင်တယ်လို့ သိရပါတယ်။
ဤအကြောင်းအရာကို သင်ဘယ်လိုထင်ပါသလဲ။
Sourced from Duwun
14/May/2k18