စိတ်ဝင်စားဖွယ် အနောက်မြောက်ခရီးစဉ်များ
Hot News


ရွှေဘိုမြို့အတွင်းရှိ မြို့မဈေး၏ အရှေ့ဘက်တွင် အလောင်းမင်းတရားကြီး၏ နန်းတော်၊ ပြာသာဒ်နှင့် စစ်ထွက်အောင်မြေတို့ရှိပြီး မြို့ထောင့်စေတီ၊ ရွှေချက် သိုစေတီနှင့် ရွှေတန်ဆာစေတီတို့ကိုလည်း မြို့တွင်း ၌ပင် လေ့လာဖူးမြော်နိုင်ကြသည်။ ရွှေဘို သနပ်ခါးတုံး များ ရန်ကုန်မြို့ကိုယူဟူ၍ နာမည်ကြီးသော ရွှေဘို သနပ်ခါးတုံးများကို ရွှေတန်ဆာဘုရားတွင် အတုပြုလုပ် ၍ မရောင်းရန် သစ္စာရေသောက် ရောင်းချရကြောင်း သိရှိရသဖြင့်  လွန်စွာသဘောကျဖွယ် ကောင်းလှပါ သည်။

ဧရာဝတီမြစ်ကမ်းနံဘေးရှိ ကျောက်မြောင်းမြို့ နွယ် ငြိမ်းရပ်တွင် စဥ့်အိုး၊ စဥ့်ထည်လုပ်ငန်းများ တည်ရှိနေ ပြီး ယခုလက်ရှိတွင် စဥ့်ထည်လုပ်ငန်းရှင် ၄၂  ဦး လုပ် ကိုင်လျက်ရှိကာ နွယ်ငြိမ်းလူထုအခြေပြု ခရီးသွား လုပ်ငန်း (ဃသာကညငအပျြေနွှိသကမငျာ) ကိုလည်း စစ်ကိုင်းတိုင်းဒေသကြီး အစိုးရအဖွဲ့ ခွင့်ပြုချက်ဖြင့် စတင်အကောင်အထည်ဖော်ဆောင်ရွက်လျက်ရှိသဖြင့် စဥ့်ထည်လုပ်ငန်းများနှင့် ကျေးလက်နေပြည်သူလူထု၏ ဘဝများကို လေ့လာနိုင်သည်။

ကျောက်မြောင်းမှ ၂၄  မိုင်ခန့်အကွာတွင် ရှိမ်း မကား (တောကျောင်းကြီး) ရွှေသမင်ဘေးမဲ့တောရှိပြီး မင်းတုန်းမင်းတရားကြီးလက်ထက်မှ ခေတ်အဆက် ဆက် လှူဒါန်းခဲ့သော ကျောင်းတော်၊ ဘေးမဲ့တော သမိုင်းကို ကျောင်းထိုင်ဆရာတော်ကြီးထံတွင် ပေစာ၊ ရုံးစာများနှင့်တကွ လေ့လာလည်ပတ်နိုင်ပါသည်။  

ဝက်လက်မြို့နယ်ရှိ ကမ္ဘာ့ရှေးဟောင်းအမွေအနှစ် စာရင်းဝင် ဟန်လင်းပျူမြို့ဟောင်းသို့ ရွှေဘိုမှ ဟန်လင်း မြို့ဟောင်းအဝင် ကတ္တရာလမ်းအတိုင်း ၁၇ မိုင်နှင့် ဟန်လင်းသို့ သုံးမိုင် ကျောက်ခင်းလမ်းအတိုင်း သွား ရောက်ကာ ကျောက်ခေတ်၊ သံခေတ်၊ ကြေးခေတ် ခေတ် သုံးခေတ်နှင့်အတူ ရေပူ၊ ရေအေးစမ်းများကိုလည်း တစ်ပါတည်း လေ့လာလည်ပတ်နိုင်သည်။

ရွှေဘိုမှ မြစ်ကြီးနားလမ်းအတိုင်း ၈၆ မိုင် ကွာ ဝေးသော ဇင်းရွာမှတစ်ဆင့် ဘူမိထူးခြားနယ်မြေဖြစ် သော ဇင်းတောင် လင်းနို့ဂူစခန်းသို့ သွားရောက်၍ လည်း စိမ်းလန်းသောသဘာဝရှုခင်းနှင့်အတူ စခန်းချ အပန်းဖြေနိုင်ပါသည်။ ထို့အပြင် ရွှေဘိုမှ ရေဦးသို့ သွား ရောက်ပြီး  လူသိနည်းသေးသော နန်းမတော်မယ်နု၏ အုတ်ကျောင်းသို့ သွားရောက်လေ့လာ၍ ရပါသည်။


ကသာ

ကသာမြို့ကို   ရှမ်းဘာသာစကားဖြင့်   ]ကပ်ဆာ} ဟုခေါ်ဆိုကြခဲ့ကြသည်။ ]ကပ်}သည် ဈေးဟု လည်း ကောင်း၊ ]ဆာ}သည် သာယာဟုလည်းကောင်း အဓိပ္ပာယ် သက်ရောက်ပါသည်။   မန္တလေးမြို့မှ ကသာမြို့သို့ မန္တလေး-မြစ်ကြီးနား ရထားဖြင့် နဘားဘူတာတွင် ဆင်းသက်၍ နဘား-ကသာသို့လည်းကောင်း၊ သို့ တည်းမဟုတ် မော်တော်ကားဖြင့် လည်းကောင်း၊ လေ ယာဉ်ကွင်းမရှိသော်လည်း ဗန်းမော် လေဆိပ်မှလည်း ကောင်း သွားရောက်နိုင်ပါသည်။ ဗမာနှင့် ရှမ်းလူမျိုး အများစုနေထိုင်ကြပြီး မြို့လယ်တွင် သီရိဓမ္မာသောက မင်းကြီး တည်ထားခဲ့သော မြစေတီနှင့် ဘိုးတော်ဘုရား တည်ထားခဲ့သော ရွှေဂူကြီးစေတီတို့ကို ဖူးမြော်နိုင်ပါ သည်။  ပြည်တွင်း ပြည်ပ   ခရီးသွားများတည်းခိုရန် ဟိုတယ် သုံးလုံးနှင့် တည်းခိုခန်း ရှစ်လုံးရှိပြီး စိန်မိသားစု၊ ရန်ကုန်မြင့်မြင့်၊ စည်းစိမ် အစရှိသော စားသောက်ဆိုင် များလည်းရှိသည်။

ကသာမြို့သည် ကမ္ဘာကျော် အင်္ဂလိပ်စာရေးဆရာ ကြီွးနသမါန ဥမတနူ (ဂျော့ခ်ျအိုဝဲ)၏ ကြမာနျနီပျေ စာအုပ်များထဲမှ စိတ်ကူးယဉ်ဇာတ်လမ်းဖြစ်သည့် ]ကျောက်တံတား} ကြောင့် ပိုမို ထင်ရှားလာပြီး ကမ္ဘာက သိသော မြို့တစ်မြို့ဖြစ်လာသည်ဆိုလျှင် မှားမည်ဟု မထင်ပါ။ မြို့ထဲတွင် ဂျော့ခ်ျအိုဝဲ နေထိုင်ခဲ့သော နေအိမ်အား ယခုအချိန်အထိ ပကတိအကောင်း အတိုင်း တွေ့ရှိနိုင်ပါသည်။ ထို့အတူ ဗြိတိသျှအစိုးရ ခရိုင် ရုံးစိုက်ရာဒေသဖြစ်သဖြင့် အရေးပိုင်မင်းနေအိမ်နှင့် ကိုလိုနီခေတ်အဆောက်အအုံများစွာ      တွေ့ရှိနိုင်ပါ သည်။

သဘာဝအခြေခံ   ခရီးသွားအနေဖြင့် ကသာမြို့နှင့် ရှစ်မိုင်အကွာတွင်ရှိသော  ဖက်ဆွတ်သစ်တောစခန်း နှင့် နတ်ပေါက်ဆင်စခန်းသို့ သွားရောက်အပန်းဖြေ လေ့လာနိုင်သကဲ့သို့ အင်းတော်မြို့ရှိ အင်းတော်လေး အိုင်၊ ဆရာပွဲ ဗုံလုပ်ငန်းအကြောင်းနှင့် အင်းတော်မြို့ အနီးရှိ    မန်လည်ဆရာတော်ကြီး၏     ရွှေရောင် တောက်ပနေသော ရုပ်ကလာပ်တော်နဲ့ ကျောင်းတော် ကြီးကို သွားရောက်ဖူးမြော်ပြီး ဗိုလ်ချုပ်ဝင်းဂိတ်၏ ချင်းဒစ်(ခြင်္သေ့) တပ်တည်ရှိခဲ့ရာ မော်လူး (ွျှ့ငအန ဃငအပ) ခံတပ်သို့လေ့လာလည်ပတ်၍ရသည်။

လွန်ခဲ့သောနှစ်က ပြည်တွင်းဘုရားဖူး နှစ်သိန်းကျော် လာရောက်ခဲ့သော ညနေ ၄ နာရီနှင့် ၅ နာရီ ဝန်းကျင် အချိန်ခန့်တွင်သာ ရွှေရောင်တောက်ပသော ဇလုံ တောင်တော်သို့ ဖူးမြော်ကြည်ညိုရင်း ဗန်းမောက်မြို့ နှင့် သုံးမိုင်အတွင်းရှိ ဇလုံတောင်တက် ကားအသင်းအနီး ရှိ ဇလုံတောင် (ဃြွှ) လူထုအခြေပြု ခရီးသွားလုပ်ငန်း တည်ရှိရာသို့ သွားရောက်တည်းခိုရင်း ကဒူးရိုးရာ အကများ၊ ရိုးရာလက်မှုပစ္စည်းများနှင့် ဒေသ အစား အစာများကို သွားရောက်ခံစားနိုင်ပါသည်။


ကလေးဇုန်

ချင်းတောင်တန်းကြီးရဲ့ အရှေ့ဘက် မြစ်သာမြစ် နှင့် နှစ်မိုင်ကွာဝေးသောနေရာတွင် ]စာကိုရေး ကလေး တည်} ဆိုတဲ့စာဆိုအတိုင်း မြန်မာသက္ကရာဇ် ၃၂၄ တွင် တည်ထားခဲ့သော ကလေးမြို့တည်ရှိနေပါသည်။ ဗမာ နှင့် ချင်းလူမျိုးများနေထိုင်ရာ ကလေးခရိုင်အောက်တွင် ချင်းတွင်းမြစ်နှင့် မြစ်သာမြစ်ဆုံရာဒေသရှိ မြန်မာနိုင်ငံ ၌ အကောင်းဆုံးကျောက်မီးသွေးထွက်ရှိရာ ကလေးဝ မြို့နှင့် ]နေလို မင်းကင်း၊ စားလို တောင်တွင်း ၊ သေလို မောက္ကတော်} ဟူသည့် စာဆိုပါ မင်းကင်းမြို့တို့ တည်ရှိ နေပါသည်။ ထင်ရှားသည့်တန်ခိုးကြီးဘုရားများမှာ ရွှေဘုံသာစေတီနှင့် ရွှေစကားညီနောင်ဟုခေါ်တွင်ကြ သည့် စကားလှဘုရားတည်ရှိကာ ရွှေစကားဘုရားမှာမူ မင်းကင်းမြို့တွင် ကိန်းဝပ်စံပယ်တော်မူလျက်ရှိသည်။

ကလေးမြို့သို့ လေကြောင်း၊ မော်တော်ကားလမ်း ကြောင်းများဖြင့် သွားရောက်နိုင်ပြီး ကလေးမြို့မှ တစ် ဆင့် ချင်းပြည်နယ်ရှိ ဟားခါးမြို့၊ ဖလမ်းမြို့၊ တီးတိန်မြို့ နှင့် အသည်းပုံသဏ္ဌာန် ရိဒ်ရေကန်သို့ သွားရောက် အပန်းဖြေလည်ပတ်နိုင်ပါသေးသည်။ မြန်မာနိုင်ငံရှိ အကောင်းဆုံး ကျောက်မီးသွေးဖြစ်သည့်ှကဘ-ဘငအကာင-ညကျ အများဆုံးထွက်ရှိရာ ကလေးဝမြို့သို့ ၂၄ မိုင်ခန့် သာ ကွာဝေးသောကြောင့် သွားရောက်လေ့လာ၍ရ သည်။ ရာဇဂြိုဟ်ဆည်သည် ကလေးမြို့နှင့် ၂၈ မိုင် အကွာတွင် တည်ရှိနေပြီး အိန္ဒိယနယ်စပ်မြို့ဖြစ်သည့် တမူးမြို့သို့ သွားရောက်ကာ မိုရေးမှ အိန္ဒိယပစ္စည်းများ ဝယ်ယူခြင်းများလည်း ပြုလုပ်နိုင်သည်။

ပြောင်ဘုတ်လမ်းမှတစ်ဆင့် ကဘော်ချိုင့်ဝှမ်းလွင် ပြင်ကြီးကို ငေးမောရင်း ၄၉ မိုင်ခန့်သာ ကွာဝေးသော မော်လိုက်မြို့နယ်အစပ်ရှိ ဘုရားရှင်လက်တော်ဆေး ကြောခဲ့ရာ ထူးဆန်းသာယာသော လက်ဆေးကန်သို့ လည်း သွားရောက်လေ့လာလည်ပတ်ရင်း မော်လိုက်မြို့ ရှိ မြန်မာနိုင်ငံ၏ ပထမဦးဆုံးသော ဂေါက်ကွင်းနှင့်အတူ ပျားစွဲဆင်စခန်း၊ ကိုလိုနီခေတ်က အဆောက်အအုံများ ကို လေ့လာလည်ပတ် အနားယူနိုင်ပါသည်။


ခန္တီးဇုန်

မန္တလေးမှ ခန္တီးသို့ လေကြောင်းဖြင့် တိုက်ရိုက်သွား လာနိုင်ပြီး မန္တလေးမှ မုံရွာသို့ မော်တော်ကားစီး၍ မုံရွာမှ ချင်းတွင်းမြစ်ကြောင်းအတိုင်း စက်လှေ၊ သင်္ဘော များဖြင့်လည်း  သွားရောက်နိုင်သည်။  ခန္တီးမြို့တွင် စည်ပင်လိုင်စင်ရ  တည်းခိုခန်း   ရှစ်လုံးရှိသော်လည်း ဟိုတယ်အဆင့် တည်းခိုစရာမရှိသေးပါ။ စားသုံးရန် အနေဖြင့် ပြုံးသဇင်၊ တော်ဝင်နှင်းဆီ၊ ရွာဦးစသော စားသောက်ဆိုင်များရှိသည်။

ခန္တီးမြို့ကို အခြေပြုလျက် နန်စီပွန်ကျေးရွာအနီး တွင်ရှိသော ကျောက်စိမ်းထွက်ရှိရာ ခန္တီးရတနာမြေသို့ စီးပွားရေးအတွက်သော်လည်းကောင်း၊ လေ့လာရေး အတွက်သော်လည်းကောင်း သွားရောက်နိုင်ပါမည်။ သမန်းကျား (လူအသွင်ပြောင်းနိုင်သည်) ဟု ငယ်စဉ် ကသိရှိခဲ့သော ကျားမျိုးစိတ်ကို ထမံသီဘေးမဲ့တော သို့သွားရောက်၍ လေ့လာလည်ပတ်ရင်း ကိုယ်ပိုင်အုပ် ချုပ်ခွင့်ရ   နာဂဒေသရှိ  လေရှီး၊  လဟယ်မြို့များသို့ အလည်အပတ် သွားရောက်နိုင်ပါသည်။ နန်းယွန်းမြို့ရှိ ဒေါ်ခင်ကြည်ရိပ်သာနှင့် နန်းယွန်းမှတစ်ဆင့် သာယာ လှပသောူေုန သ် သျြွနအကမည (နောင်ယန်းအင်း)သို့ လည်း သွားရောက်လေ့လာ အပန်းဖြေနိုင်သည်။


တိုးတက်ပြောင်းလဲလာမှု

စစ်ကိုင်းတိုင်းဒေသကြီးသည် ခရီးသွားလုပ်ငန်း ဖော် ဆောင်ရန် ခရီးစဉ်ဒေသများစွာဖြင့် မပျက်စီးသေးသော သဘာဝအရင်းအမြစ်များ၊ ပျူငှာဖော်ရွေသော ဓလေ့ ထုံးတမ်းများမွှေးပျံ့လျက် လူမျိုးပေါင်းစုံ၊ ဘာသာ ပေါင်းစုံအေးချမ်းစွာနေထိုင်ကြသော တိုင်းဒေသကြီး တစ်ခုဖြစ်သကဲ့သို့     တိုင်းဒေသကြီးများထဲတွင် ဧရိယာအကျယ်ဝန်းဆုံးသော ဒေသကြီးဖြစ်သည်။


ပြည်တွင်း၊ ပြည်ပမှ ခရီးသွားဝင်ရောက်မှုများကို  ၂၀၁၆-၂၀၁၇ ဘဏ္ဍာနှစ်နှင့် ၂၀၁၇-၂၀၁၈ ဘဏ္ဍာနှစ် များကို    နှိုင်းယှဉ်ကြည့်ရာတွင်   ၁၅ ဒသမ ၁၄ ရာခိုင်နှုန်းတိုးတက်လာပြီး အတိအကျအားဖြင့် ဆိုလျှင် ၂၀၂၃၉ ဦး တိုးတက်ဝင်ရောက်လာကြောင်း တွေ့ရှိရပါ မည်။ ပြည်တွင်း၊ ပြည်ပဧည့်သည် ဝင်ရောက်တည်း ခိုမှု၊ ၂၀၁၆-၂၀၁၇ ဘဏ္ဍာနှစ်နှင့် ၂၀၁၇-၂၀၁၈ဘဏ္ဍာ နှစ်ကို နှိုင်းယှဉ်ကြည့်ရာတွင် ၁၉ ဒသမ ၈၀ ရာခိုင် နှုန်း တိုးတက်လာသည်ကို တွေ့ရှိရသည်။

ခရီးသွားပြည်သူများအတွက် အများသုံးသန့်စင်ခန်း များကို အသစ်တည်ဆောက်ခြင်း၊ စက်ဆုံးဆီဆိုင်များ နှင့် ပူးပေါင်းပြီး အများသုံးသန့်စင်ခန်းများအသုံးပြုနိုင် ရေး ဆိုင်းဘုတ်များထောင်ကာ ပြသထားသည်မှာ စစ်ကိုင်းတိုင်းဒေသကြီး၏ ထူးခြားသောဝန်ဆောင်မှု ဖြစ်နေပါသည်။ ထိုသို့ ကြိုးပမ်းဆောင်ရွက်ချက်များ ကြောင့် ၂၀၁၇ခုနှစ် စက်တင်ဘာလတွင် နေပြည်တော် ၌ ကျင်းပခဲ့သော ကမ္ဘာ့ခရီးသွားလုပ်ငန်းနေ့တွင် ]အကောင်းဆုံး သန့်စင်ခန်း  စီမံဆောင်ရွက်နိုင်သော ဆု} ကို ဆွတ်ခူးနိုင်ခဲ့ပေသည်။

မြန်မာနိုင်ငံတွင် ခရီးသွားလုပ်ငန်း ပိုမိုဖွံ့ဖြိုးတိုးတက် လာစေရန်အတွက် အစိုးရအဖွဲ့နှင့် ဟိုတယ်နှင့် ခရီးသွား လာရေးဝန်ကြီးဌာနတွင်သာ တာဝန်ရှိသည်မဟုတ်ဘဲ ဆက်စပ်ဌာနများတွင်လည်း တာဝန်ရှိသကဲ့သို့ ပြည်သူ လူထု၏ ပူးပေါင်းပါဝင် ကြိုးပမ်းဆောင်ရွက်ကြမည်ဆို ပါက ခရီးသွားလုပ်ငန်း၏ အကျိုးဆက်များဖြစ်သည့် အလုပ်အကိုင်ပေါများခြင်း၊ တစ်ဖက်တစ်လမ်းမှ ဝင်ငွေ များရရှိခြင်းနှင့် ဆင်းရဲမွဲတေမှု လျှော့ချနိုင်ခြင်း စသည့် အကျိုးဆက်များကို စစ်ကိုင်းတိုင်းဒေသကြီးရှိ ပြည်သူများ ခံစားကြရမည်ဖြစ်ပါကြောင်း တင်ပြလိုက်ရပါသည်။  ။  


Source : The Mirror (Myanmar)