ကမ္ဘာ့ဘဏ်က မြန်မာကို စီမံကိန်း ၂၄ ခုဖြင့် ကန်ဒေါ်လာ နှစ်ဘီလျံကျော် ထောက်ပံ့ထား
Recent News


မြန်မာနိုင်ငံ၏ ဖွံ့ဖြိုးရေးလုပ်ဆောင်မှု စီမံကိန်းများအတွက် ကမ္ဘာ့ဘဏ်၏ကူညီမှုသည်
ကန်ဒေါ်လာ နှစ်ဘီလျံကျော် ရှိထားပြီးဖြစ်သည်ဟု ကမ္ဘာ့ဘဏ်က ဇူလိုင် ၄ ရက်က
ထုတ်ပြန်လိုက်သည်။

ကမ္ဘာ့ဘဏ်သည် ယခုနှစ်ဇွန်လအထိ အာဆီယံဒေသတွင်း ဖွံ့ဖြိုးမှုနိမ့်ကျဆဲ နိုင်ငံ
သုံးနိုင်ငံဖြစ်သော လာအို၊ ကမ္ဘောဒီးယားနှင့် မြန်မာနိုင်ငံတို့၏ ဖွံ့ဖြိုးရေးစီမံကိန်း ၄၃ ခု
အတွက် ကန်ဒေါ်လာ ၂ ဒသမ ၇ ဘီလျံ ထောက်ပံ့ခဲ့သည့်အနက် မြန်မာနိုင်ငံ၏စီမံကိန်း
၂၄ ခုပါဝင်ခဲ့သည်။ အဆိုပါစီမံကိန်း ၂၄ ခု ထောက်ပံ့ငွေသည် ကန်ဒေါ်လာ ၂ ဒသမ ဝ၈
ဘီလျံဖြစ်သည်။

မြန်မာနိုင်ငံသည် ဈေးကွက်စီးပွားရေးစနစ်သို့ ကူးပြောင်းလျက်ရှိပြီး ဒေသတွင်းနိုင်ငံများ
အပါအဝင် နိုင်ငံတကာနှင့် ချိတ်ဆက်မှုများ ပိုမိုချဲ့ထွင်နေသည့် အပြောင်းအလဲများကြောင့်
ကမ္ဘာ့ဘဏ်အနေဖြင့် ပူးပေါင်းပါဝင်မှုကို ပိုမိုမြှင့်တင်လျက်ရှိသည်ဟု ထုတ်ပြန်ချက်တွင်
ဖော်ပြထားသည်။

''လတ်တလောအနေအထားမှာ လာအို၊ ကမ္ဘောဒီးယားနဲ့ မြန်မာနိုင်ငံတို့ဟာ အရှေ့အာရှ
ဒေသရဲ့ဖွံ့ဖြိုးတိုးတက်မှုနှုန်း အမြန်ဆုံးတိုင်းပြည်တွေထဲမှာ ပါဝင်နေပါတယ်။ ဒီနိုင်ငံတွေရဲ့
တစ်နိုင်ငံချင်းစီအလိုက် သဘောတူညီထားတဲ့ ပူးပေါင်းဆောင်ရွက်မှုလုပ်ငန်း အစီအစဉ်
တွေအရ ဖွံ့ဖြိုးတိုးတက်မှုကို ဖော်ဆောင်နိုင်ဖို့ ကြိုးစားသွားမှာပါ''ဟု သုံးနိုင်ငံဆိုင်ရာ
ညွှန်ကြားရေးမှူးအဖြစ် တာဝန်ခန့်အပ်ခံရသူ မစ္စဂိုးလ်စတိန်းက ထုတ်ပြန်ချက်တွင် ပြော
ထားသည်။

ကမ္ဘာ့ဘဏ်အနေဖြင့် ယခု ၂ဝ၁၇ ခုနှစ်အတွင်း သုံးနိုင်ငံကို ထောက်ပံ့ကူညီမှုများတွင်
ကမ္ဘောဒီးယားနိုင်ငံ၏ စီမံကိန်း ၁၂ ခုအတွက် ကန်ဒေါ်လာ ၂၄၃ သန်းနှင့် လာအိုနိုင်ငံ၏
စီမံကိန်း ၁၈ ခုအတွက် ကန်ဒေါ်လာ ၄၃၇ သန်းကို ထောက်ပံ့ခဲ့သည်။

ကမ္ဘာ့ဘဏ်သည် မြန်မာနိုင်ငံနှင့် ပူးပေါင်း ဆောင်ရွက်မှု မူဘောင်များကို ၂ဝ၁၅ ခုနှစ်က
စတင်ကာ သဘောတူညီခဲ့သည်။ ၄င်းသဘောတူညီချက်အရ ဆင်းရဲနွမ်းပါးမှုတိုက်ဖျက်ရေး၊
စီးပွားရေး ဖွံ့ဖြိုးတိုးတက်မှု၏ ရလဒ်များကို ပြည်သူတိုင်းမျှတစွာ ခံစားခွင့်ရရှိရေးအချက်
များတွင် ကမ္ဘာ့ဘဏ်က ဘဏ္ဍာရေး၊ နည်းပညာ ချိတ်ဆက်မှုများ ပေးအပ်သွားရန်
သဘောတူခဲ့ခြင်းဖြစ်သည်။

လာမည့် နှစ်နှစ်အတွင်း၌လည်း ကမ္ဘာ့ဘဏ်၏ အပြည်ပြည်ဆိုင်ရာ ဖွံ့ဖြိုးရေးရန်ပုံငွေမှ
ကန်ဒေါ်လာ ၁ ဒသမ ၂ ဘီလျံရှိ ဘဏ္ဍာရေးအကူအညီများ၊ နည်းပညာနှင့် အကြံပြုချက်
အကူအညီများ ထပ်မံရရှိသွားမည်ဖြစ်သည်ဟုလည်း ထုတ်ပြန်ထားသည်။ ထို့အတူ
ကမ္ဘာ့ဘဏ်အုပ်စု၏ အဖွဲ့အစည်းများဖြစ်သည့် IFC နှင့် MIGA ( Multilateral Investment
Guarantee Agency ) တို့၏ ရင်းနှီးမြှုပ်နှံမှုဆိုင်ရာ လိုအပ်ချက်များအရ ငွေကြေးအကူ
အညီများကို ထပ်မံရရှိနိုင်မည်ဖြစ်ကြောင်း ဖော်ပြထားသည်။


Source : mmtime